Nagmando si U.S. President Donald Trump sa United States Navy nga pusilon ang bisan unsang Iranian boats nga makit-an nga nagbutang og mina sa Strait of Hormuz.
Sa post niini sa social media, miingon si Trump nga: “I have ordered the United States Navy to shoot and kill any boat, small boats though they may be (Their naval ships are ALL, 159 of them, at the bottom of the sea!), that is putting mines in the waters of the Strait of Hormuz. There is to be no hesitation.”
Sumala ni Trump, padayon ang Estados Unidos sa operasyon sa pag-alis sa mga mina sa maong estratehikong agianan sa dagat.
Dugang pa niini nga ang mga “mine sweepers” nagpadayon sa operasyon karon ug iyang gipataas ang lebel sa mga operasyon sa tulo ka pilo.
Sa tunga sa nagpadayon nga tensyon sa rehiyon, sumala ni Trump ug Defense Secretary Pete Hegseth nga napapas na kuno ang dagkong pwersa sa Iran nga gibanabana nga 150 ka barko.
Apan base sa ulat, ang Islamic Revolutionary Guard Corps (IRGC) adunay pa’y nahabiling gagmay nga mga bangka nga gigamit sa ilang operasyon sa kadagatan.