Nag-apela si Senate Committee on Ethics Chairman JV Ejercito ngadto kang Senator Ronald “Bato” dela Rosa nga temporaryo una nga dili modawat sa iyang suweldo ug allowances samtang nagpabilin pa ang kwestyon sa iyang paglingkod sa Senado.
Sumala ni Ejercito, bisan si Senate President Vicente “Tito” Sotto III miangkon nga sa pagkakaron, wala pa’y klarong lagda ang Senado aron piliton ang pagtambong sa mga miyembro niini sa mga sesyon.
Gipasabot sa senador nga ang bisan unsang pormal nga aksyon magkinahanglan pa og igong panahon tungod kay moagi pa kini sa proseso sa pag-amyenda sa mga alituntunin ug saktong deliberasyon.
Gipasiugda usab ni Ejercito nga kung ang mga ordinaryong trabahanteng Pilipino gipaubos sa polisiya nga “no work, no pay,” mas angay kini nga ipatuman ngadto sa mga piniling opisyal sa kagamhanan.