Rep. Leviste, giawhag ang kagamhanan nga isuspinde ang buwis sa lana pinaagi sa pagputol sa mga dili mahinungdanong gasto sa gobyerno

Giawhag ni Batangas Representative Leandro Leviste ang kagamhanan nga isuspinde o pakunhuran ang buwis sa mga produktong petrolyo pinaagi sa pagputol sa mga giisip nga  “dili mahinungdanong gastuhan” sa gobyerno.

Matud ni Leviste, gipadali na kaniadto ang pagpasar sa balaod alang sa suspensyon sa fuel excise tax apan napakgang kini tungod sa rason nga gikinahanglan ang pondo alang sa ayuda.

Gidugang pa niini nga mismo ang gobyerno ang nangunan sa pagsuspinde sa maong buwis, ug dili angay nga himuong rason ang kakuwang sa pondo.