Posibleng magpabiling huyang ang lihok sa piso batok sa dolyar ning semanaha samtang gina-monitor sa merkado ang tensiyon sa Middle East ug ang umaabot nga meeting sa patakaran sa interest rate sa Bangko Sentral ng Pilipinas (BSP).
Sumala sa Bankers Association of the Philippines, nagsirado ang piso sa ₱60.035 kontra dolyar niadtong Biyernes, nga mas huyang og ₱0.065 kung itandi sa ₱59.97 sa adlaw nga Huwebes.
Matud sa RCBC Economist nga si Michael Ricafort, naapektuhan ang piso sa pagsaka sa presyo sa lana sa global market ug sa padayon ang kawalay kasiguruhan sa sitwasyon sa Middle East.
Gilauman nga posibleng masuportahan ang piso kung mosaka ang interest rates sa BSP sa ilahang policy meeting karong semana.
Sa merkado sa stocks, ang Philippine Stock Exchange Index (PSEi) misirado ubos sa 6,000 level sa katapusan sa semana, samtang daghang investors nagpabilin nga naghulat sa desisyon sa BSP.