Giinsistir ni Justice Panel Chairman ug Batangas Representative Gerville Luistro nga ang Kamara ang dunay bug-os nga gahom ug kontrol sa pagsugod sa proseso sa impeachment batok kang Bise Presidente Sara Duterte.
Atol sa pagdungog karung adlawa, gipatin-aw ni Luistro nga subay sa Konstitusyon, ang Kamara ang nagkupot sa maong legal nga lakang bisan pa man sa mga petisyon nga gipasaka karon sa Korte Suprema.
Gipasabot sa magbabalaod nga ang pulong nga “exclusive power” nga ang Kamara lamang ang dunay katungod sa pag-imbestigar ug pagpasaka sa kaso, samtang ang Senado mao ang magsilbing korte nga mohukom sa katapusang kamatuoran.
Matud pa niini, dili babag ang uban pang mga giatubang sa nasud aron ihunong ang maong imbestigasyon tungod kay kaya sa gobyerno ang magmultitasking.
Dugang pa niini, gikinahanghlan na nga tubagon sa Bise Presidente ang mga alegasyon aron mahtagan og katin-awan ang mga katawhan.
Sa katapusan, giklaro ni Luistro nga ang kasamtangang mga pagdungog dili pa usa ka paghukom kondili usa ka pagsusi kon duna ba’y igong basehan aron mosaka ang reklamo ngadto sa Senado.