Nagpagawas og bug-at nga alegasyon ang saksi sa impeachment nga si Ramil Madriaga kinsa nagpaila nga kanhi aide ni Bise Presidente Sara Duterte ngadto sa mga opisyal nga konektado sa Office of the Ombudsman.
Gibutyag ni Madriaga ang giingong subli-subli nga paghatod og minilyon ka pesos nga kickback ngadto sa mga opisyal sa Office of the Ombudsman.
Pinaagi sa ‘supplemental affidavit’ niini, direktang gitudlo ni Madriaga si Ombudsman Samuel Martires ug Assistant Special Prosecutor Ryan Rey Quilala nga nakadawat kini og kwarta ubos sa kamanduan nila ni Bise Presidente Sara Duterte ug kanhi Presidente Rodrigo Duterte.
Gipadayag niini, nga nahurot matud pa og gasto ang Php 125 milyones nga confidential funds sulod lamang sa 24 ka oras niadtong tuig 2022 kini mismo ang nag-apod-apod sa maong kantidad.
Sumala niini, sukwahi kini sa unang migawas nga impormasyon sa ubang mga pagdungog diin giingon nga mikabat og 11 ka adlaw una nahurot ang maong pondo.
Dugang pa ni Ramil nga wala kini gipugos o nangayo og bisan unsa nga bugti sa iyang paghimo sa supplemental affidavit alang sa impeachment hearing ni Bise Presidente Sara Duterte sa House Committee on Justice.