Gikondena ni Italian Prime Minister Giorgia Meloni ang mga pamahayag ni U.S. President Donald Trump batok kang Pope Leo XIV, human gitawag niini nga “unacceptable,” dungan sa nagkagrabe nga tensyon tali sa White House ug Vatican.
Sa usa ka pamahayag niadtong Lunes, gipasabot ni Meloni nga dili angay himuong target sa pagpangatake ang Santo Papa, kinsa isip pangulo sa Simbahang Katoliko, adunay katungdanan sa pagpalambo sa kalinaw ug pagpalanog sa tingog batok sa gubat.
Matud pa ni Meloni, normal lamang alang sa Santo Papa ang pagpanawagan og kalinaw ug dili kini angay ikasuko sa presidente.
Kahinumduman nga nahimong kontrobersyal ang mga pulong ni Trump human niya gibatikos si Pope Leo XIV sa social media ug sa pipila ka interbyu, diin iyang gitawag ang Papa nga “weak on crime” ug “terrible for foreign policy.”