Gisugyot sa House of Representatives ang usa ka maampingong pamaagi sa pagpondo aron matubag ang krisis sa presyo sa lana nga dili makaapekto sa mga nagpadayon nga programa sa gobyerno.
Sumala ni House Ways and Means Chairman at Marikina Rep. Miro Quimbo, unahon sa Kamarabaha ang paggamit sa kasamtangang pondo sa gobyerno sa dili pa ang pagpangutang o pag-apruba sa supplemental budget.
Sumala ni Quimbo nga ang unang lakang mao ang pag-ila, diin mahimo nga kuhaon ang dugang pondo nga dili makadaut sa mga programa.
Sa miting sa tresi ka komite nga gipangulohan ni House Speaker Faustino “Bojie” Dy III, gituki ang mga posibleng gigikanan sa pondo sama sa Savings, Budget realignment, Windfall revenue tungod sa inflation ug lihok sa piso.
Dugang pa ni Quimbo nga ang pagtaas sa presyo sa mga palaliton nagdala og dugang koleksyon sa buwis, labi na ang Value Added Tax (VAT), nga puwede gamiton aron tabangan ang mga sektor nga grabe naapektohan sa krisis.
Lakip usab sa gi-review ang kita gikan sa operasyon sa gobyerno, sama sa foreign exchange.
Bisan pa niini, gipahibalo ni Quimbo nga wala gidali sa Kamarabaha ang pagpasa sa supplemental budget, ug mas epektibo kini sa pag-realign sa kasamtangang pondo nga naa sa 2026 General Appropriations Act.