Nagpabiling malinawon ang lalawigan sa Bukidnon bisan pa sa pipila ka mga insidente nga nahitabo sa nagkalain-laing lugar sa probinsya, sumala sa pahayag sa kapulisan. Matod ni Police Major Jayvee Babaan, tigpamaba sa Bukidnon Police Provincial Office bisan og adunay mga ginagmay nga kalit nga hitabo sama sa personal nga panagbangi ug kasong kriminal, wala kini nakababag sa kinatibuk-ang kalinaw ug kahimtang sa seguridad sa probinsya.
Sulti ni Babaan nga adunay pipila ka mga isolated cases nga nahitabo, pero dili kini kalabotan sa dagkong hulga sa seguridad. Ang mga kapulisan nagpabiling alerto ug aktibo sa pagbantay. Gisiguro sab sa mga opisyal nga padayon ang koordinasyon sa mga lokal nga pamunuan, mga barangay tanod, ug intelligence units, aron mas mapalig-on ang presensya sa law enforcement ug malikayan ang bisan unsang hulga sa kasiguridad. dugang pa ni PMAJ. Babaan.
Ang kahimtang sa Bukidnon karon malinawon. Wala’y rason nga mahadlok ang katawhan. Apan gina-awhag gihapon nila ang publiko nga magmatngon ug motabang sa pagreport kung aduna man silay makitang kaduda, dudang kalihokan. Gipasabot sab sa kapulisan nga ang pipila ka mga nahitabo kay personal nga panagbangi o kasong kriminal nga dili kalabotan sa insurgency o terorismo, ug kini gitutukan dayon sa mga otoridad aron dili na mosangpot sa mas seryosong kahimtang. Busa, gi-awhag ang tanang Bukidnon nga magpadayon sa ilang kasaligan sa kapulisan ug suporta sa mga lakang sa seguridad, aron mapadayon ang kalinaw ug kalamboan sa probinsya.