Gilauman ang pagsaka sa inflation o presyo sa mga palaliton sa Pilipinas lapas sa 4 porsento karong tuiga tungod sa tensyon sa Middle East nga nagpataas sa lana ngadto sa halos USD 100 matag baril.
Tungod niini, gipaabot ang dako nga usbaw sa presyo sa lana sa nasod sunod semana, diin ang diesel mosaka og PHP 16.60 – PHP 17.50 ug ang gasolina og PHP 7.50 – PHP 8.50 matag litro.
Matod ni RCBC economist Michael Ricafort, kining maong krisis sa enerhiya magdala og “second-round effects” sama sa pagsaka sa pletehan ug suhulan nga makapabug-at sa bulsa sa mga Pinoy.
Isip pangandam sa maong krisis, gipakubsan na sa Bangko Sentral ng Pilipinas (BSP) ang key rates ngadto sa 4.25 percent aron mapugngan ang sobrang pagmahal sa mga palaliton.
Giduso usab ang paghatag og targeted subsidies o ayuda gikan sa gobyerno alang sa mga labing apektadong sektor aron mamenosan ang epekto sa mahal nga lana.