97-anyos nga lola, nakatala sa Guinness World Records human mitindog sa pakpak sa eroplano

Nakatala sa Guinness World Records ang 97-anyos nga si Betty Bromage sa United Kingdom human mosulay og wing walking o pagtindog sa pakpak sa naglupad nga eroplano.

Nakuha niini ang duha ka rekord isip oldest wing walker ug oldest person nga nakahimo og loop-the-loop wing walk, sa edad nga 97 anyos ug 123 ka adlaw.

Gihimo niya ang stunt niadtong Agosto 4 sa Cirencester, Gloucestershire aron makatigom og pondo alang sa charity.

Dili na bag-o kang Bromage ang maong kalihokan tungod kay nakarekord na usab kini niadtong 2022 sa edad nga 93.

Bisan pa sa iyang edad, wala pa siya nagplano nga mohunong ug nagbinuang pa nga posibleng mosulay pag-usab kung moabot siya sa 100 anyos.