9 patay sa nahitabong pagpamusil sa usa ka tulunghaan ug balay sa Canada

Siyam ka tawo ang gikatahong patay sa nahitabong pagpamusil didto sa Canada nga nag-target sa usa ka tulunghaan ug usa ka balay. Sumala sa report sa kapulisan, nahitabo ang makasubo nga insidente karong adlawa, Pebrero 11, 2026.

Gawas sa mga nangamatay, duna usab mga samaran nga gidala sa tambalanan. Padayon pa ang imbestigasyon sa mga awtoridad aron masuta ang motibo sa suspetsado ug kon duna pa’y uban nga nalambigit sa maong krimen. Ang tibuok komunidad sa Canada nagpabilin karong anaa sa kakulba ug kaguol tungod sa maong bayolenteng panghitabo.