40-anyos nga lalaki, nakit-ang patay sa suba sa Valencia City

Nakaplagang patay ang usa ka 40-anyos nga lalaki sa daplin sa suba sa Purok 3, Barangay San Carlos, Valencia City, Bukidnon, niadtong Oktubre 21, 2026, human sa dul-an duha ka adlaw nga pagkawala niini.

Sumala sa imbestigasyon sa otoridad, residente sa Barangay Colonia ang biktima nga gikatahong nawala niadtong Oktubre 19 human gidudahang nalumos sa suba.

Gipangita pa sa pamilya ang biktima hangtod nga narekober sa Valencia City Rescue Team ang lawas niini nga nagsugod na og kadunot.

Sa laing bahin, walay nakitang timailhan sa foul play o pakigbisog sa lawas sa biktima, busa gituohang pagkalumos ang hinungdan sa kamatayon niini.

Gidala ang patayng lawas sa Lao-as Funeral Homes sa Valencia City.