Andam na ang Philippine National Police (PNP) sa ilang komprehensibong deployment plan alang sa ikalimang State of the Nation Address (SONA) ni Presidente Ferdinand Marcos Jr. sa Hulyo 27.
Sumala kang Philippine National Police Spokesperson Col. Allen Rae Co, kapin sa 20,000 ka mga personnel ang ipakatap sa Metro Manila, lakip ang mga augmentation force gikan sa Armed Forces of the Philippines (AFP), Philippine Coast Guard, ug uban pang ahensya sa gobyerno.
Samtang, gikompirmar sa Quezon City Police District (QCPD) nga adunay upat ka grupo nga nangayo na og permit aron magpahigayon og kilos-protesta sa adlaw sa SONA.
Nagpadayon usab ang koordinasyon sa mga otoridad alang sa security preparations sa nagkadaiyang lugar sama sa Batasan Complex, Commonwealth Avenue, Quezon Avenue, Katipunan, ug EDSA Shrine.
Nagpahayag usab si Col. Co og pagsalig nga mapabiling kontrolado ug malinawon ang kahimtang sa seguridad atol sa maong kalihokan.