Nadakpan ang upat ka drug personalities sa managlahing buy-bust operations sa Pangantucan, Kibawe, Maramag ug Kitaotao, Bukidnon niadtong milabayng mga adlaw.
Pinakadako ang narekober sa Pangantucan diin 6.88 gramos sa gituohang shabu nga nagkantidad ug ₱46,784 ang nakuha kang alyas “Adi,” 33-anyos.
Sa Kibawe, nadakpan ang 26-anyos nga street-level individual ug narekober ang 0.9789 gramos nga gituohang shabu nga balor ug ₱6,656.
Sa Maramag, nadakpan si alyas “Tibor,” 43, ug nakuha ang usa ka gramo nga gituohang shabu nga balor og ₱6,800.
Samtang sa Kitaotao, nadakpan si alyas “Reymon,” 25, ug narekober ang 0.3 gramos nga gituohang shabu nga nagkantidad og ₱2,040.
Sa kinatibuk-an, kapin ₱62,000 ang standard drug value sa mga nakumpiskang gituohang shabu.
Giandam ang mga kaso batok sa upat ubos sa Sections 5 ug 11, Article II sa Republic Act No. 9165.