Tulo ang namatay sa managlahing indidente nga natagiyon sulod sa lalawigan sa Bukidnon niadtong milabaya’ng adlaw.
Sa Baungon, patay ang 34-anyos nga lalaki human gipusil sa ulo sa 36-anyos nga suspek sa Purok 6, Barangay Langaon, pasado sa alas-6 sa buntag niadtong Setyembre 28.
Nagsugod ang away sa duha atol sa ilang pag-inom sa usa ka haya, diin misangpot sa pisikal nga panag-away.
Mibalik ang suspek nga armado ug gipusil ang biktima, apan nakaikyas ug padayon pang gipangita sa kapulisan.
Sa Valencia City, namatay ang usa ka wala pa mailhing babayeng pedestrian human maigo ug ma;latayan sa usa ka FUSO truck sa National Highway crossing sa Lumbo sa maong dakbayan.
Samtang sa Impasugong, kabsan sa kinabuhi ang 24-anyos nga drayber sa motorsiklo human mabangga sa laing motorsiklo sa Provincial Road, Barangay Anasagon.
Ang iyang 23-anyos nga backrider ug ang 25-anyos nga drayber sa laing motorsiklo nakaangkon usab og samad ug padayong nagpaalim sa mga blay tambalan.