Labing menos duha ka kinabuhi ang nakalas sa mga pag-atake sa Russia sa Ukraine pipila ka oras human gisalikway sa Moscow ang panawagan sa Germany nga pakunhuran ang tensyon tali sa Russia ug NATO.
Sa Kyiv, usa ka lalaki ang namatay human maigo sa drone ang usa ka non-residential building, samtang usa usab ang namatay ug duha ang nasamdan sa sunod-sunod nga pag-atake sa Odesa.
Nahimo ang pag-atake human sa unang personal nga panaghisgot sa mga foreign minister sa Russia ug Germany sukad sa pagsulong sa Moscow sa Ukraine niadtong 2022.
Matud ni Russian Foreign Minister Sergey Lavrov, gisubli lamang sa German Foreign Minister nga si Johann Wadephul ang posisyon sa Berlin batok sa Russia.
Samtang, giingon sa German delegation nga andam ang Germany alang sa mas maayong relasyon, apan nagkinahanglan kini og tinuod nga kaandam gikan sa Russia nga tapuson ang gubat sa Ukraine.
Nagpadayon ang tensyon tali sa duha ka nasod samtang nagkagrabe ang mga pag-atake sa kahanginan sa Russia ug Ukraine.