Gikabiliban sa daghang tawo lakip na sa mga netizens online si Rhensis Benedict “RB” Lofamia, usa ka 18-anyos nga henyo ug miyembro sa Mensa Philippines, human kini mihakot og dul-an sa 500 ka mga pasidungog gikan sa nagkalain-laing lokal ug internasyonal nga kompetisyon sa mathematics, science, research, ug creative writing.
Nakugang ug napabilib ang mga netizen tungod kay taliwala sa iyang grabeng kalamposan isip High Honors graduate sa Philippine Science High School – Main Campus, nakaplagan gihapon niya ang hustong balanse aron malingaw sa pagdula og online games sama sa Mobile Legends ug Valorant.
Tungod sa iyang talagsaong abilidad ug talagsaong academic record, giilugan ug gitanyagan kini og mga scholarship sa mga inilang unibersidad sa sulod ug gawas sa nasud sama sa University of California San Diego ug Purdue University, hinungdan nga nahimo siyang dakong garbo ug ehemplo sa mga batan-ong Pilipino.