Gibana-banaang 10 metric tons nga tilapia ang namatay sa mga fish pen sa Magat Dam sa Isabela tungod sa fish kill.
Mikabat sa kapin P1 milyon ang kantidad sa kadaot nga naangkon sa mga fish pen operator ug mga nag-atiman og tilapia sa maong lugar.
Sumala sa Bureau of Fisheries and Aquatic Resources (BFAR)-Isabela, ang hinungdan sa fish kill mao ang pagkunhod sa lebel sa tubig sa dam ug kakulang sa oxygen.
Nagsugod pagdawat og mga report sa fish kill ang BFAR niadtong Lunes, busa gilayon nilang gitambagan ang mga operator nga anihon na ang ilang mga isda aron malikayan ang mas dako pang kadaot.
Apan, adunay pipila ka mga operator nga wala na makatabang sa pagluwas sa ilang mga binuhing isda.
Samtang, misaad ang Isabela Provincial Fishery Office nga motabang sa mga naapektuhang fish pen operators pinaagi sa paghatag og libreng fingerlings aron makasugod sila pag-usab sa ilang panginabuhian.