1 patay ug 3 angol sa pag-atake sa usa ka batan-on sa skwelahan sa Sweden

Gipahamtangan og kasong murder ug attempted murder ang 18-anyos nga lalaki human sa makamatay nga pag-atake gamit ang espada sa Brinell School sa Fagersta, Sweden.

Usa ka 17-anyos nga estudyante ang namatay, samtang tulo ka lalaki ang nasamdan ug duha kanila anaa sa kritikal nga kahimtang.

Gidakop ang suspek niadtong Biyernes, Agosto 21, sulod sa eskwelahan.

Giingong nagsul-ob kini og helmet ug nagdala og espada. Napusilan usab kini sa mga otoridad human misukol sa pagdakop. 

Padayon ang imbestigasyon sa motibo, lakip ang pagsusi sa TikTok account nga gituohang may kalabutan sa suspek.

Nasuspende usab ang operasyon sa eskwelahan ug hugot kining gibantayan sa kapulisan.