₱70,040 balor sa shabu nasakmit sa buy-bust sa Valencia City

Nasakmit sa kapulisan ang ₱70,040 nga kantidad sa gituohang shabu human masikop ang duha ka suspek sa gikasang buy-bust operation sa Purok 12, Barangay Pinatillan, Valencia City, Bukidnon, alas 6:30 sa gabii niadtong milabayng adlaw

Gipahigayon ang operasyon sa mga otoridad nga nagresulta kini sa pagkaaresto nila ni alyas “Junalyn” ug alyas “Robert.” Nakumpiska gikan kanila ang 10.3 gramos nga shabu, buy-bust money nga ₱500, coin pouch, cellphone, ug usa ka tin can nga gihimong sudlanan sa droga.

Ang mga suspek ug ang mga narekober nga ebidensya gidala na sa Valencia CPS alang sa dokumentasyon ug forensic examination.