Usa ka laborer nga adunay kasong Arson, nasikop sa Libona Bukidnon

Mukabat  sa 10,000 pesos nga kantidad  ang gitakdang piyansa aron mahimong makagawas sa prisohan ang usa laborer nga si alyas Jonax, 34 anyos, human masikop sa kapulisan sa Libona, Bukidnon niadtong Pebrero 19, 2026.

Gidakop kini sa Zone-4, Barangay Kinawe atol sa operasyon batok wanted person.

Ang pagkasikop niini base sa warrant of arrest sa kasong Arson nga gipagula sa Municipal Circuit Trial Court, 10th Judicial Region sa Manolo Fortich–Libona, Bukidnon.