Giila sa Estados Unidos nga mabungahon ang nahimong duha ka adlaw nga panagpulong sa Ukraine aron magmugna og ceasefire deal.
Gihimo ang maong miting sa Germany, nga gipangulohan ni Ukrainian President Volodymyr Zelensky kauban ang chief negotiator nga si Rustem Umerov.
Samtang ang representatnte sa Estados Unidos mao si Steve Witkoff ang special envoy ni US President Donald Trump uban si Jared Kushner.
Mitambong usab si German Chancellor Friedrich Merz aron ihan-ay ug hisgutan ang plano.Sumala kang Zelensky, bisan dili perpekto ang plano, mahimo pa kini nga mapaayo.
Dugang pa niini nga gusto sa US nga dali matapos ang giyera batok sa Russia, apan mas gihatagan nila og bili ang usa ka lig-on ug de-kalidad nga ceasefire.
Lakip sa bag-ong kasabutan ang pagpondo para sa post-war recovery sa Ukraine ug ang pagseguro sa kaluwasan ug seguridad sa nasud.