Gihimakak ni Senator Rodante Marcoleta ang mga pasangil nga nagsilbi kini isip abogado sa magtiayong Curlee ug Sara Discaya.
Kini taliwala sa mga obserbasyon nga nagtabang siya sa duha human sa sunod-sunod nga pagdungog sa Senate Blue Ribbon Committee bahin sa flood control scandal.
Giklaro ni Sen. Marcoleta nga ang iyang gikuwestiyon mao lamang ang paggamit sa restitution isip rekisito sa pagdawat sa usa ka tawo ubos sa Witness Protection Program (WPP).
Nahitabo lamang matud pa nga ang magtiayong kontraktor ang unang ni-apply sa WPP diin namugos si kanhi DOJ Sec. Jesus Crispin Remulla nga iuli una ang giingong gikuha nga kwarta. usa ka butang walay legal nga basehan.
Alang sa senador, ang WPP kinahanglan abli alang sa tanang kwalipikadong testigo nga andam mutabang sa gobyerno