Pintor nagpayuhot og iligal nga drogra sa lungsod sa Libona, nasikop!

Balhog sa bilangguan ang usa ka pintor human madakpan sa Municipal Drug Enforcement Unit sa buy-bust operation pasado alas 9:23 sa kagabii sa Purok 1, Barangay Crossing, Libona, Bukidnon.

Ang dinakpan giila nga si alyas George, 34 anyos, ulitawo ug residente sa Zone 5, Lunocan, Manolo Fortich, Bukidnon.

Nakuha sa iyang posisyon ang usa ka sachet sa gituohang shabu, buy-bust money, cellphone ug sling bag, nga gibana-banang 0.4 gramos ug kantidad nga P2,720.

Sa pagkakron andam na ang kasong paglapas sa RA 9165  batok sa suspetsado.