Gipamatuodan sa maong eksperto nga ang Korte Suprema mao gihapon ang katapusang arbiter sa maong isyu na may kalabutan sa impeachment case ni VP Sara Duterte. Apan, posibleng mobali kini sa kaugalingon desisyon ilabina kon makita nga adunay kakulangan sa proseso o walay klarong pagpasunod sa balaod.
Sa pakighinabi sa Bombo Radyo Malaybalay, gipasabot ni Atty. Eddie Cuarisma, legal expert ug kanhi presidente sa IBP, nga ang Senado mitunol kani sa “motion to dismiss” aron tapuson ang kaso, gisundan sa “motion to lay on the table” aron ipahimutang sa kilid, gisundan sa pag amendar ngadto sa “motion to archive” aron ipabilin sa rekord nga dili na aktibong pagahisgutan gawas kung buhion pag-usab.
Dugang pa sa eksperto, nagpabilin ang pangutana kon aduna pa ba kini bili sa umaabot nga desisyon sa Senado, ilabina nga mainit ang isyu nga posible pang molungtad ang legal nga panaglalis hangtod sa kataas-taasang hukmanan.