Gipahibalo sa House of Representatives nga andam na kini modawat ug maminaw sa mga bag-ong impeachment complaint batok kang Vice President Sara Duterte sugod Pebrero 6, 2026, sumala kang Bicol Saro Party-list Rep. Terry Ridon.
Gipahayag kini ni Ridon human sa desisyon sa Korte Suprema (SC) nga nagpamatuod nga supak sa Konstitusyon ang mga nauna nga articles of impeachment batok sa bise presidente tungod sa paglapas sa one-year bar rule.
Matud ni Ridon, gitahod sa Kamara ang desisyon sa Korte Suprema, apan klaro nga pag-abot sa Pebrero 6, abli na ang Kongreso sa pagdawat ug pagproseso sa bisan unsang bag-ong reklamo batok kang VP Sara Duterte.
Gipasabot sa SC nga ang ika-upat nga impeachment complaint nga gipadala sa Senado niadtong Pebrero 5, 2025 diin wala tuguti ilawom sa Article XI, Section 3(5) sa 1987 Constitution, nga nag-ingon nga dili mahimong ma-impeach ang usa ka opisyal labaw sa usa ka higayon sulod sa usa ka tuig.
Ang unang tulo ka reklamo gisumite niadtong Disyembre 2024 sa mga pribadong complainant nga gi-endorso sa pipila ka mga mambabalaod, samtang ang ika-upat gisulong pinaagi sa resolusyon nga gisuportahan sa 215 ka House members.
Sumala kang Ridon, giklaro usab sa desisyon sa Korte Suprema ang proseso sa impeachment pinaagi sa pagkuha sa mas hugot nga due process requirements nga gitakda sa mga nauna nga ruling, lakip ang obligasyon sa advance notice ug paghatag daan og ebidensya sa opisyal nga gi-impeach sa yugto sa pagpasaka.