Gipasiugda ni House Committee on Justice Chairman ug Batangas Rep. Gerville “Jinky” Luistro nga dili madayon ang bisan unsang impeachment complaint gikan sa pribadong indibidwal kung walay pormal nga endorsement gikan sa usa ka miyembro sa House of Representatives.
Sumala ni Luistro, adunay duha ka paagi sa pagpsaka og impeachment, una ang -reklamo gikan sa pribadong indibidwal nga adunay sponsor nga kongresista ug ikaduha ang reklamo nga pirmado sa dili moubos sa 1/3 sa tanang miyembro sa Kamara.
Sa pagkakaron, wala pay nadawat nga opisyal nga kopya ang Justice Committee sa bisan unsang impeachment complaint.
Kung kini mahimo sa unang paagi, muagi ang proseso sa pipila ka lakang lakip ang pagtan-aw sa sufficiency in form ug substance, pagdungog sa mga testigo, ug pagtino sa probable cause sa dili pa kini botohan sa plenaryo.
Ang pamahayag ni House Committee on Justice Chairperson ug Batangas Rep. Gerville Luistro.
Samtang, posibleng mabanhaw pag-usab ang na-archive nga impeachment trial batok kang Vice President Sara Duterte kon paboran sa Supreme Court ang motion for reconsideration sa House of Representatives sa Pebrero 7, 2026.
Sumala ni Luistro, ang desisyon sa Korte Suprema ang magbuot kon mobalik ba ang impeachment process o dili, apan dili kini mahimong babag kon adunay bag-ong reklamo nga ipasaka ubos sa unang paagi.