Wala giaprobahan sa International Criminal Court ang personal nga pagbisita kang kanhing Pangulong Rodrigo Duterte samtang ginahimo ang upat ka adlaw nga pre-trial “confirmation of charges” hearings batok kaniya.
Sumala sa pamilya Duterte, tawag lamang sa telepono ang gitugotan sa ICC.
Gikompirma usab nga unom ka abogado ang motambong sa pagdungog aron masiguro nga maipresentar og husto ang kanhing pangulo sa mga Pilipinong abogado.
Laikip niini sila Atty. Salvador Medialdea, Atty. Martin Delgra III, Atty. Silvestre Bello III, Atty. Alfredo Lim Jr., Atty. Caesar Dulay, ug Atty. Salvador Panelo.
Gipasalamatan sa pamilya Duterte ang legal team sa kanhing pangulo alang sa ilang padayon nga serbisyo, ingon man ang Filipino community sa The Hague nga nagpakita og suporta ug pagpakabana kaniya.
Ang confirmation of charges hearings ipahigayon karong adlawa Pebrero 23 hangtod 27.
Sumala sa website sa ICC, magsugod kini alas-10 sa buntag hangtod alas-3 sa hapon sa The Hague, ug alas-5 sa hapon hangtod alas-10 sa gabii oras sa Pilipinas.