Gipaubos sa Red Alert Status ang Probinsya sa Bukidnon human sa flash flood sa pipila ka bahin sa Valencia City
Matud ni Anecito Torayno, Jr., Chief sa Warnings and Operations Section sa PDRRMO-Bukidnon, ipatuman ang Emergency Preparedness and Response Protocols ilawom sa “Charlie” o High-Risk Level, diin gitutokan ang critical nga mga lakang sa retrieval, rescue, evacuation, ug rapid assessment.
Base sa inisyal nga Rapid Damage and Needs Assessment (RDANA), ang Purok 20, Poblacion, Valencia City ang labing naapektuhan, diin upat (3) ang kumpirmadong patay ug lima (5) ang gideklarang missing. 398 ka pamilya ang apektado sa mga barangay nga naglakip sa Poblacion, Tugaya, Lumbo, Barobo, ug Mailag, samtang sa lungsod sa Maramag, apektado usab ang mga estudyante ug pasilidad sa Central Mindanao University (CMU).
Gikumpirma sa PDRRMO nga 63 ka estudyante sa CMU ang naluwas ug na-akomodar temporaryo sa University Homestay ug OSA Hall. Ang pipila ka academic colleges, student housing, ug university offices naapektohan sa maong pagbaha.
Gisiguro ni Mr. Torayno nga padayon ang coordination sa mga LGUs, rescue units, ug humanitarian clusters aron mahatagan og timely assistance ang mga biktima, samtang gipasabot usab niya ang kahinungdanon sa early warning systems ug pag-amping ilabi na sa mga lugar nga kasagarang bahaon.