- Advertisement -
Mipahimangno ang Armed Forces of the Philippines (AFP) sa publiko ug mga opisyal sa nasud batok sa giingong foreign malign influence sa China nga tumong nga ilihis ang atensyon sa tinuod nga isyu sa West Philippine Sea, matod ni AFP spokesperson Rear Admiral Roy Vincent Trinidad karong adlawa.
Sumala ni Trinidad, ginahimo kini aron bahinbahinon ang mga Pilipino ug mga lider samtang nagpadayon ang ilegal ug agresibong lihok sa Chinese military ug coast guard batok sa Philippine Navy, Coast Guard, ug lokal nga mga mangingisda sa maong lugar.
Gipasiugda niya nga magpadayon ang AFP sa pagpanalipod sa soberanya, teritoryo, ug interes sa nasud subay sa Konstitusyon ug internasyonal nga balaod, alang sa kaluwasan ug kaayohan sa katawhang Pilipino.
- Advertisement -