53-anyos, nasikop sa kasong paglapas sa illegal possession of farearms

Nasikop sa hiniusang pwersa sa Tracker Team Provincial Intelligence Unit ug Maramag Municipal Police Station ang usa ka 53-anyos nga mag-uuma nga nailhan sa alyas nga Jomoh niadtong niadtong milabayng adlaw sa Barangay Panalsalan, Maramag, Bukidnon.

Ang maong operasyon gipahigayon pinaagi sa Search and Seizure Warrant nga miresulta sa pagkakumpiska sa usa ka yunit sa Cal. 45 Colt Pistol, magazine, ug napulo ka mga bala.

Ang dinakpan nag-atubang sa kasong paglapas sa R.A. 10591 o ang Comprehensive Firearms and Ammunition Regulation Act.

Gidala na karun ang suspetsado uban ang mga nakuhang ebidensya na sa Maramag Municipal Police Station alang sa saktong dokumentasyon ug disposisyon sa balaod.