Gisaway ni House Committee on Good Government and Public Accountability Chairman ug Manila Rep. Joel Chua ang bag-ong mga pamahayag ni Bise Presidente Sara Duterte.
Matud ni Chua, nagpakita og kahadlok kaysa kamatuoran ang pamahayag sa bise-Presidente samtang ang proseso sa impeachment batok kaniya nagpadayon sa Kamara.
Sigon ni Chua, ang pagsang-at sa mga impeachment complaints sinugdanan pa lamang sa proseso sa konstitusyon diin susihon sa Kamara kung adunay igong basehanan ang pagpasaka sa Articles of Impeachment ngadto sa Senado alang sa pahusay..
Dugang pa niini, nga wala pay pormal nga tubag ang Bise Presidente sa nahabilin nga mga reklamo.
Gikaingong adunay katungod si Duterte nga mopasaka o dili mopasaka og pleading, nga mahimong kabahin sa legal nga estratehiya sa pagpresentar sa nag-unang depensa sa Senado.
Apan, miluwat si Chua nga ang bag-o nga mga pamahayag ni Duterte gikaingong nagpadayag sa kabahin sa depensa ug makatabang pa sa kaso sa Kamara kung magpadayon ang proseso.
Gitataw usab niini, nga ang tono sa pamahayag sa Bise Presidente gitumong sa pag-impluwensya sa opinyon sa publiko.
Gihatagan usab og gibug-aton ni Chua, nga ang impeachment nagsunod sa mga panuntunan sa Konstitusyon ug sa mga patakaran sa Kamara, ug kinahanglan nga dili daoton sa dili pa mahuman ang proseso.