Gipadayag sa usa ka ekonomista nga posibleng mosaka ang inflation rate sa Pilipinas sa katapusan sa Marso tungod sa nagpadayon nga tensyon sa Middle East nga mahimong makaapekto sa presyo sa petrolyo ug ubang batakang palaliton.
Sa pakighinabi sa Bombo Radyo Malaybalay, miingon si Ray Talimio Jr., kanhi miyembro sa Economic Development Committee sa Regional Development Council-10, nga gikan sa 2.4 porsyento nga inflation rate sa miaging bulan, gibanabana nga mahimo kining mosaka ngadto sa 3.5 porsyento niining Marso gumikan sa posibleng pagsaka sa presyo sa lana ug ubang produkto.
Dugang pa niini nga mahimo usab maapektuhan ang gross domestic product o GDP sa nasud, diin gilaoman nga magpabilin lamang sa 3 hangtod 4 porsyento nga pagtubo, nga giisip niyang dako nga hagit sa ekonomiya kon moubos pa ang maong growth rate.
Bisan pa niini, gidayeg ni Talimio ang lakang sa gobyerno sa paghatag og fuel subsidy aron makatabang sa sektor sa transportasyon, apan nagpahayag gihapon og kabalaka nga mahimong motumaw ang dili pagkasinabtanay sa ubang sektor tungod kay ang benepisyo sa programa karon nagpunting lamang sa mga driver sa public utility vehicle