Iraq, gipahunong ang oil port operations tungod sa tanker attacks

Gipahunong sa nasod sa Iraq ang operasyon sa ilang mga oil port (pantalan sa lana) human sa pag-atake sa duha ka mga tanker sulod sa ilang kadagatan niadtong Huwebes, Marso 12.

Sumala ni Farhan al-Fartousi, ang director general sa General Company for Ports sa Iraq, gihimo ang suspensyon isip “precautionary measure” o pamaagi sa pag-amping samtang gisusi pa ang seguridad sa dapit.

Sa maong insidente, duha ka mga langyaw nga tanker ang nasunog human naigo sa pagpamomba o pag-atake. Usa ka tripulante ang kumpirmadong patay, samtang 38 ka uban pa ang naluwas sa mga otoridad. Bisan pa niini, nagpadayon gihapon ang operasyon sa mga commercial port sa maong nasod.