Usa ka makalilisang nga kahimtang ang nasinatian sa usa ka lalaki sa Vorkuta human kini mopauli sa apartment nga gibiyaan sulod sa tulo ka tuig.
Ang hinungdan, nakalimot matud pa kini sa pagsira sa bintana sa wala pa siya milakaw paingon sa Siberia aron magtrabaho.
Sa viral video nga iyang gibahin, makita nga ang sulod sa balay napuno na sa mga kalapati diin ang salog natabonan sa nagtapok nga iti, balhibo ug mga salag sa langgam.
Sa komedya sa pahayag sa tag-iya, giingon niini nga pagbalik niya sa balay, nahimo na kining lungga sa mga kalapati ug nahimong siya na ang nakasamok sa mga langgam sa kaugalingong apartment.
Sumala sa mga eksperto, gibanabanaang moabot sa duha ka milyong rubles o halos 1.5 milyong piso ang magastohan sa pag-ayo ug pag-ilis sa mga gamit sa maong apartment, nga halos kapareho na sa kasamtangang market value sa balay.
Gawas sa dako nga gasto, giatubang usab sa tag-iya ang posibleng risgo sa panglawas tungod sa mga iti sa kalapati mahimong makadala og mga sakit sama sa Avian Influenza ug Psittacosis.Â