DTI wala pay natala nga pagsaka sa presyo sa mga palaliton 

Nagpabiling stable ang presyo sa mga nag-unang paliton ug wala’y nakit-an nga bisan unsang pagsaka sumala sa Department of Trade and Industry (DTI).

Kini luyo sa kabalaka sa publiko nga mosaka ang presyo sa mga baligya tungod sa pagsaka sa presyo sa lana nga dala sa krisis sa Middle East.

Gipahayag ni Trade Assistant Secretary Regino Mallari Jr. nga gipaniguro sa mga manufacturers nga aduna pay igong suplay sulod sa duha ka bulan hinungdan nga wala pay mamatikdan nga abnormal nga paglihok sa presyo sa 172 ka mga establisimento.

Apan kon madayon ang pagsuspinde sa excise tax sa petrolyo, lauman nga mamahimo kining magresulta sa duha hangtod walo ka porsyento nga pagsaka sa presyo sa mga nag-unang commodities.