Mipatuman ang tanang korte sa Pilipinas og upat ka adlaw nga on-site work ug usa ka adlaw nga work-from-home kon WFH sugod karong adlaw nga Lunes, Marso 9, 2026.
Kini nunot sa direktiba ni Presidente Ferdinand Marcos Jr. ngadto sa mga ahensya sa gobyerno sa pag-adopt sa 4 ka adlaw nga workweek aron makunhuran ang konsumo sa lana taliwala sa epekto sa nagpadayong gubat sa Middle East.
Giklaro usab sa Korte Suprema nga labing menos 25% sa mga empleyado sa matag opisina o dibisyon kinahanglan nga anaa gihapon adlaw nga Biyernes, base sa desisyon sa head of office, aron masiguro ang pagpadayon sa operasyon.
Gipunting usab sa high court nga ang bag-ong kahikayan sa trabaho dili kinahanglan nga usa ka hinungdan sa pagkansela o pag-postpone sa bisan unsang naka-iskedyul nga mga pagdungog, ug kinahanglan nga magpadayon base sa gikatakda sa korte.
Gimandoan usab ang mga korte sa pag-adopt sa mga conservation parctice sama sa pagmintinar sa air-conditioning sa 24 degrees Celsius, pagpalong sa mga gamit sa opisina kung dili gamiton, pagkunhod sa paggamit sa elevator, ug pagpahigayon og mga miting online.
Samtang ang Sandiganbayan ug ang Court of Tax Appeals wala malakip sa bag-ong work arrangement.