Nagbuhat og kasaysayan si LeBron James sa Los Angeles Lakers human niini malabwan ang rekord ni Kareem Abdul-Jabbar isip all-time leader sa career field goals.
Kini base sa pinakabag-ong kalihokan sa National Basketball Association, Marso 7, 2026, oras sa Pilipinas. Bisan pa sa maong milestone, napildi ang Lakers sa Denver Nuggets sa iskor nga 120-113, diin nanguna si Nikola Jokić pinaagi sa triple-double nga 28 puntos, 13 assists ug 12 rebounds.
Sa laing dula nga gipahigayon usab sa susamang adlaw, gipildi sa New Orleans Pelicans ang Sacramento Kings sa iskor nga 133-123 uban sa 23 puntos pinaagi ni Zion Williamson, nga miresulta sa ika-50 nga kapildihan sa Kings karong season.
Samtang nasakmit usab sa Orlando Magic ang kadaogan batok sa Dallas Mavericks sa iskor nga 115-114 human sa game-winning dunk ni Wendell Carter Jr. nga nahimo 1.4 segundos sa wala pa matapos ang dula.
Sa laing bahin, gikataho usab nga nadakpan sa Arizona si Dillon Brooks sa Phoenix Suns tungod sa suspetsa sa driving under the influence kon DUI samtang kini nagpaalim sa fractured hand injury.