Gihisgutan karon sa social media ang kontrobersiya nga nalambigit sa aktor ug komedyanteng si Nikko Natividad human mikaylap ang usa ka pribadong video nga gikaingong adunay kalabotan sa aktor ug sa ubang personalidad sa industriya sa showbiz.
Tungod niini, ang aktor miangkon nga nakahimo kini og sayop sa asawa niiini nga si Cielo Mae Bautista Eusebio, ug nangayo og pasaylo sa publiko ug sa pamilya.
Matud ni Nikko, natintal ug nakasala kini nga labing nakaapekto personal nga relasyon.
Samtang, gibutyag usab sa asawa niini nga si Cielo Mae, nga nasakitan kini sa nahitabo bisan pa og dugay na ang maong insidente.
Taliwala sa kontrobersiya, gipili niini nga magpabilin sa relasyon alang sa pamilya ug sa mga anak, ug naglaum nga sa paglabay sa panahon subling mabalik ang pagsalig ug kalinaw sa kinabuhi ug panimalay.
Gihangyo usab niini ang publiko nga magpakita og pagsabot ug pagrespeto samtang giatubang ang maong pagsulay sa pamilya.