Miabot sa Ninoy Aquino International Airport Terminal 3 ang unang repatriation flight gikan sa Dubai sunod sa padayon nga panagbangi sa Middle East.
Sumala kang Presidential Communications Secretary Dave Gomez, sakay sa Emirates flight EK336 ang mga Pilipino nga mibalik pag-uli sa nasud ug uban pang apektadong biyahero.
Gipangulohan ni Department of Migrant Workers Secretary Hans Leo Cacdac ang pagsugat sa 299 ka repatriates, lakip ang mga bag-ong himugsongbata ug uban pang kabataan.
Milupad ang eroplano gikan sa Dubai alas-9:55 sa kagahapong gabii (oras sa Pilipinas) ug nagdala pauli sa mga overseas Filipino worker, turista, ug uban pang biyahero nga na-stranded sa gawas sa nasud.
Sumala sa gobyerno, andam na ang mga contingency measure aron matabangan ang mga Pilipino sa abroad kon morabe pa ang sitwasyon, samtang nagpadayon ang koordinasyon sa mga ahensya sa gobyerno ug mga kauban nga airline.