Gipasigarbo ni US Secretary of Defense Pete Hegseth nga anam-anam na nilang napildi ang pwersa sa Iran.
Sumala ni Hegseth, pinaagi sa tabang sa Israel, nakita ang pagkaluya sa mga pag-atake nga gihimo sa nasud sa Iran.
Gilauman nga sa mosunod nga mga adlaw, hingpit na nilang makontrolar ang airspace sa maong nasud.
Sukad nga gisugdan ang pag-atake sa Iran, gitunong sa mga pwersa ang mga pasilidad nga nagahimo og mga missile.
Tungod sa panaghiusa sa pwersa sa Estados Unidos ug sa Israeli Defense Force (IDF), gilauman nga mas modako pa ang kadaut nga masinati sa Iran.
Gikataho usab nga padung na ang dugang mga sundalo ug ang mga laser-guided precision gravity bombs aron hingpit nga mapahunong ang Iran sa ilang mga pag-atake.
Samtang gisulayan sa Iran ang pag-atake sa pwersa sa US ug Israel, apan napakyas kini sa maong tinguha.