Gihulagway ni Canadian Prime Minister Mark Carney ang nagkagrabe nga gubat sa Middle East isip usa ka pananglitan sa “kapakyasan sa kalibutanong kahusay” (failure of the international order).
Bisan pa man og gisuportahan sa Canada ang paningkamot sa Amerika ug Israel nga mapugngan ang Iran sa pagbaton og nuclear weapons, giangkon ni Carney nga gihimo nila kini nga adunay “pagmahay.” Matod pa niya, ang kamatuoran nga niabot sa punto nga kinahanglan nang mogamit og kusog o pag-atake nagpakita nga napakyas ang mga diplomatikong pamaagi ug ang United Nations (UN).
Gisaway usab ni Carney ang Amerika ug Israel sa paghimo og lakang nga wala’y pagpahibalo o pagkonsulta sa ilang mga alyado, lakip na ang Canada. Gipahinumdoman niya ang tanang nasod nga nalambigit sa gubat nga kinahanglan gihapon silang mosunod sa “international law” ug panalipdan ang mga inosenteng sibilyan.
Nawala ang paglaum sa kalinaw pinaagi sa istorya, hinungdan nga nanawagan ang PM alang sa dinaliang pagpakunhod sa tensyon aron malikayan ang mas lawom ug mas dako nga gubat.