Gikabalak-an sa mga ekonomista ang hulga sa posibleng pagsaka sa presyo sa lana ug mga batakang palaliton sa nasud tungod sa nagkagrabe nga tensyon sa Middle East.
Sumala kang Jhon Louie B. Sabal, ekonomista dako ang pagsalig sa Pilipinas sa imported nga petrolyo, busa kapektado ang suplay gikan sa rehiyon magpadayon ang kagubot.
Matud pa niini, adunay domino effect ang pagtaas sa presyo sa petrolyo nga makaapekto sa transportasyon, produksyon, ug sa presyo sa mga nag-unang panginahanglanon sa mga katawhan sa Pilipinas.
Gipasabot usab sa ekonomista nga ang posibilidad sa pagpauli sa liboan ka mga Overseas Filipino Workers (OFWs) gikan sa Middle East magdepende sa gidaghanon sa mga mopauli kon aduna ba kini dakong implikasyon sa ekonomiya.
Matud pa, kung ang ihap moabot lamang sa kapin 1,500 ka mga trabahante, dili kini makahatag og mahinungdanong epekto sa kinatibuk-ang remittances ug sa kalig-on sa bili sa piso.
Apan, gipasidaan niini nga kung dako nga porsyento sa mga OFWs ang mapugos sa pagpauli, posible kini nga makapakunhod sa foreign currency inflow nga maoy usa sa mga haligi nga nagpalig-on sa ekonomiya sa nasud.