Naghambin og balatian ang pipila ka mga atleta gikan sa Misamis Occidental human magsakit pila ka adlaw pagkahuman miabot sa Bukidnon alang sa pagbansay sa umaabot nga NMRAA meet 2026.
Sa usa ka eksklusibong pakighinabi sa Bombo Radyo, gipahibalo ni Coach Sunnyboy Ibarra ug Jose Viclester G. Pantoj, nga ang kahimtang sa panglawas sa pipila ka players naapektuhan sa sobra kabugnaw nga klima sa Bukidnon.
Saysay pa niini, daghan sa mga atleta ang nagkasinatig ubo ug sip-on sulod sa pili ka adlaw sa dihang niabot sa lalawigan.
Apan bisan paman niini, gipahibalo ni Coach Pantoja nga 95% na ang nahuman nilang preparasyon ug nagbansay pag-ayo isip pagpangandam.
Gipaningkamutan usab sa mga coach nga maulian ang mga bata pinaagi sa ilang training matrix sa Linabo Elementary School.
Samtang nagpaabot usab og pasalamat ang mga delegado ug gibutyag usab niini nga abunda sila sa tubig luyo sa krisis sa panubig sa dakbayan.