Gi-awhag ni Vice President Sara Duterte ang tanan nga Pilipino nga nagpuyo o nagbiyahe sa rehiyon sa Middle East nga mag-amping ug buhaton ang tanang lakang aron masiguro ang ilang kaluwasan.
Misunod ang maong pamahayag sa Bise Presidente, gumikan sa nagkagrabe nga tensyon ug panagbangi sa pipila ka bahin sa Middle East.
Gipasidaan ni VP Sara ang mga Pilipino nga likayan ang mga lugar nga dunay aktibong militar nga operasyon o dagkong tigom sa publiko.
Gi-awhag usab niya nga kanunay subayon ang opisyal nga pahimangno gikan sa lokal nga awtoridad ug sa Department of Foreign Affairs sa inyong nasud.
Dugang pa ni Duterte, nga hatagan og pagtagad ang balita gikan sa kasaligan nga media, pagpadayon sa komunikasyon sa pamilya ug kasaligan nga higala, ug pag-andam sa emergency numbers sa DFA ug lokal nga awtoridad.
Siguraduhon usab nga kompleto ug valid ang mga dokumento ug pasaporte, ug andam nga usbon ang plano kung mo-grabe ang kahimtang sa seguridad.
Gipahimangnoan ni VP Sara nga kung gikinahanglan, duolon ang atong embahada aron makadawat og tabang ug tambag sa labing luwas nga paagi sa pagpauli sa Pilipinas.
Matud sa Bise, nga sa panahon sa kagubot, ang seguridad ug kaluwasan sa mga Pilipino mao ang labing importante.