Hugot nga gihimakak ug gisaway sa mga lider sa Kamara de Representantes ang mga akusasyon nga giluwat sa mga indibidwal nga nagpailang mga kanhi myembro sa Philippine Marines.
Matud ni Manila Rep. Joel Chua, Chairman sa House Committee on Good Government and Public Accountability, nga makaduda ang timing sa maong mga alegasyon.
Nagtuo si Chua nga ang mga pasangil gituyo lamang aron samokon ang nagkaduoo nga impeachment hearing batok kang Vice President Sara Duterte ug daoton ang kredibilidad sa Quad Committee
Kahinumdoman nga ang komitiba ni Chua ug ang Quad Committee nagpahigayon og halapad nga imbestigasyon kalabot sa gikaingong sayop nga paggamit sa P612.5 milyon confidential ug intelligence funds sa Office of the Vice President kon OVP ug Department of Education kon DepEd.
Hugot usab nga gihimikak sa uban pang mambabalaod ang mga pasangil.
Sa kabahin ni Manila Rep. Bienvenido Abante Jr., gitawag niini ang maong alegasyon nga pulos lamang bakak ug malisyoso nga midawat kini og mga maleta nga adunay sulod nga kwarta.
Matud niini, gitarget kini gumikan sa lig-on nga baruganan batok sa extrajudicial killings kon EJK sa ilawom sa administrasyong Duterte.
Gibantugan usab nga “delulu” kon delusional ni Deputy Speaker Paolo Ortega ang mga nagpakaylap og mga istorya nga gikaingong wala’y kamatuoran ug basehanan.
Giklaro usab ni Rep. Julienne Baronda nga bisan kanus’a wala nalambigit ang pangalan niini sa mga flood control scam ug ang paglakip niini sa maong isyuusa lamang matud pa ka “political circus”.
Kasamtangan, giistudyohan pa sa lider sa Kamara ang posibleng pagpasaka og tukmang kaso batok sa mga anaa sa likod sa maong mga akusasyon aron mapanalipdan ang integridad sa institusyon.