Sunod-sunod nga Operasyon batok sa Smuggled Cigarettes, Kapin P31,000 ang Nakompiska sa Valencia City

Nakompiska sa kapulisan ang kapin 43 ka reams sa ginadudahang smuggled cigarettes nga nagkantidad og kapin P31,000 sa tulo ka managlahi nga operasyon sa Valencia City niadtong Pebrero 27, 2026.

Gihimo ang mga operasyon alas 4:30 sa hapon, 5:00 sa hapon ug 6:00 sa gabii sa Valencia City Public Market ug Farmers Market sa Barangay Poblacion.

Nasikop ang tulo ka lalaki nga nagbaligya og assorted nga sigarilyo nga walay legal nga dokumento. Lakip sa nakompiska ang nagkadaiyang illegal nga sigarilyo nga mokantidad sa kapin P31,200.