Andam na ang Gilas Pilipinas nga sangkaon ang Australia karong adlawa alang sa FIBA World Cup Asian Qualifiers, usa ka dula nga giatangan tungod sa pagbalik sa “Boomers” sa Pilipinas human sa hapit walo ka tuig.
Kahinumduman nga ang katapusang higayon nga nidula ang Australia sa nasod niadtong Hulyo 2018 napunog kagubot o brawl nga miresulta sa daghang ejections.
Bisan pa man sa maong kasaysayan ug sa ilang kapildihan batok sa Australia sa FIBA Asia Cup sa miaging tuig (84-60), tinguha sa Gilas nga mag-focus sa dula ug mobawi gikan sa ilang masakit nga 69-66 nga kapildihan batok sa New Zealand niadtong Huwebes.
Sumala ni CJ Perez, kinahanglan na silang mag-move on ug itutok ang ilang kusog sa dula batok sa Australia aron makakuha og kadaugan.