Gipamatud-an sa usa ka 98-anyos nga lola gikan sa Florida nga dili babag ang edad sa kalibutan sa pangpaugnat sa kusog human kini subling misalmot sa usa ka dakong billiards tournament sa Las Vegas.
Tuig 2021 pa sa dihang opisyal nga giila sa Guinness World Records si Maggie Kennedy, nga taga-Jensen Beach, isip oldest competitive pool player sa tibuok kalibutan.
Human sa lima ka tuig, nagpabilin gihapon nga mahait ang abilidad ug aktibo si Kennedy diin, uban sa iyang koponan nga gitawag og “Sunday Funday”, gitakda kining makigtigi sa prestihiyosong BCA Nationals Pool League Tournament.
Sumala pa ni Kennedy, magduwa sila matag adlaw sugod Miyerkules hangtod sa Dominggo, ug komidya pa niining gidugang nga gawas sa billiards, sayon ra usab sudlon ang mga slot machine sa maong dapit.